Këshilli i Lartë i Prokurorisë pranoi pjesërisht kërkesën e Inspektorit të Lartë të Drejtësisë për magjistratin e Sarandës, Kledian Llaho, i cili u vu nën hetim nga SPAK për korrupsion.
ILD kërkoi uljen e pagës së Llaho në masën 40% për një periudhë 1-vjeçare dhe largimin e tij nga drejtimi i organit të akuzës në Sarandë. Këshilli pranoi pjesërisht kërkesën, duke i caktuar atij masën “vërejtje publike” për zvarritjen e hetimeve. Përmes kësaj, Kledian Llaho ruan pagën dhe drejtimin e prokurorisë.
Ndërkohë, SPAK dyshon se magjistrati ka kryer veprime korruptive me qëllim që të përfitonte vjehrri i tij. Nga hetimet është konstatuar se prokurori Kledian Llaho ka kryer shkelje me dashje duke shkaktuar zvarritje të proceseve gjyqësore./vizionplus.tv
