Shtetet e Bashkuara të Amerikës raportuan shifrën më të lartë të viktimave në 24 orët e fundit: 2600 të vdekur dhe mbi 30 mijë raste të reja të identifikuar me Covid 19.
Por megjithëse është vendi i parë në botë me 644 mije të prekur dhe 28.500 të vdekur, presidenti Donald Trump tha se SHBA e kaloi pikun e pandemisë dhe se disa shtete mund të dalin nga bllokimi këtë muaj.
Në një konferencë për mediat në Shtëpinë e Bardhë, Trump sqaroi se udhëzimet për rihapjen do t’i bëjë publike gjatë ditës.
DONALD TRUMP
PRESIDENT I SHBA“Të dhënat tregojnë se në nivel kombëtar, ne kemi kaluar pikun e rasteve të reja. Shpresojmë se kjo do të vazhdojë dhe ne do të vazhdojmë të përparojmë shumë drejt rikthimit në gjendjen normale.”
Mijëra protestues ndërkohë kanë dalë nëpër rrugët e Michiganit me makina madje dhe të armatosur, duke thyer rregullat e qëndrimit në shtëpi.
Ata shprehen se ndihen të lodhur dhe tw shqetësuar nga mbyllja dhe pasiguria ekonomike në të cilën ndodhen, duke bërë apel që vendi të pezullojë masat sa më parë dhe njerëzit të rikthehen në punë.
Por SHBA-të të cilat kanë numrin më të lartë të viktimave në rang global, tashmë po hetojnë hipotezën se virusi covid 19 doli nga një laborator në Vuhan, pasi mediat publikuan informacione që tregojnë se pacienti 0 ka dalë nga një laborator shkencor në Kinë.
Madje Fox News raportoi se virusi është një përpjekje e Kinës për të demonstruar se vendi është më i aftë se SHBA-të në identifikimin dhe luftimin e viruseve. Ndërsa Uashington Post shrkuan se disponon kabllograme të vitit 2018 që flasin për ekzistencën e një virusi që do të prekte edhe njerëzit.
Për këtë Sekretari Amerikan i Shtetit Mike Pompeo i ka kërkuar Kinës të jetë transparente.
DONALD TRUMP: SHBA E KALOI PIKUN
POMPEO KERKON NGA KINA TRANSPARENCE TE PLOTE PER VIRUSIN
