Policia hap me forcë lokalin, nis zhvendosja e kafshëve drejt Tiranës

Policia e Fierit ka hapur me forcë derën e lokalit dhe koopshtit zoologjik “Safari Park”  duke i hapur rrugë zhvendosjes se kafsheve drejt Tiranës.

Fillimisht pati një debat verbal mes pronareve, avokatit të tyre nga njeri krah si dhe inspektoreve të drejtorisë së mjedisit dhe veterinereve nga ana tjetër.

Pronarët e këtij kopshti zoologjik privat bënë rezistencë duke mbyllur dyert e lokalit. Avokati i tyre Elvis Sulejmani tha se ky subjekt privat i ka plotësuar të gjitha kushtet për vazhdimi e aktivitetit dhe se kafshët nuk mund të merreshin me forcë aq më teper që sipas tij afati për plotësimin e dokumentacionit mbaronte diten e hënë.

Por kryeinspektori i mjedisit në Fier Anduel Xhalia tha se zhvendosja e 13 kafsheve drejt kopshtit zoologjik të Tiranës do të bëhej me patjeter Brenda të dieles pasi askush nuk e dinte se në cfarë gjëndje ishin kafshët që nga hera e fundit që u pa nga afër gjëndja e tyre shumë e keqe.

Me ndihmen e policisë, veterineret nisën zhvendosjen e kafsheve drejt Tiranës.

Sytë e nxire të një luani dhe fotot e tjera të kafshave në kushte të tmerrshme të publikuara në tabloidtin britanik Daily Mail bënë xhiron e mediave shiqptare dhe të huaja pak kohë më parë.