Tensione dhe përplasje të ashpra u shënuan ditën e sotme jashtë ambienteve të kuvendit mes protestuesve dhe policisë. Si pasojë tre efektivë dhe katër protestues mbetën të lënduar. Kreu i Grupit Parlamentar të Partisë Socialiste, Taulant Balla, pas përfundimit të seancës plenarë jashtë ambienteve të Kuvendit dënoi sulmet ndaj punonjësve të policisë.
Balla: Policia e Shtetit është sulmuar në mënyrë të padrejtë nga një bandë kriminale. Siç ju bëni këtë detyrë kaq të bukur, ju të parët duhet të solidarizoheni me punonjësit e policisë së shtetit. Gjaku i një punonjësi të policisë është gjaku i shtetit. Ata e derdhin gjakun për shtetin shqiptar për Shqipërinë. Kjo bandë kriminale…është goditje dhe sulm për shkak të detyrës.
Ne jemi të gatshëm, dhe pak ditë na ndajnë nga ai moment, kur vajza dhe djem u çuan me shqetësimin për standarded mjedisore për atë investim historik në Zvërnec, dhe që nuk janë këtu…këtu keni 100 elementë kriminalë. Erald Kapri dhe Redi Muçi janë pjesë e partiçkave që kanë sjellë militantët e vet aty për të goditur parlamentin.
