Një person ka mbetur i varë dhe një tjetër i plagosur pas një konflikti të armatosur në Çair të Shkupit që ndodhi rreth mesnatës.
Viktimë ka mbetur i riu shqiptar nga Shkupi, Hebib Bunjaku. 35-vjeçari është djali i ish-zyrtarit të BDI, Ekrem Bunjaku.
“Më 11.02.2025, në ora 00:06, nga Spitali i Përgjithshëm i Qytetit “Shën Naumi i Ohrit” është raportuar se tek ata janë sjellë me lëndime nga armë zjarri H.B. (35) dhe A.D. (35), të dy nga Shkupi, dhe se më vonë H.B. ka ndërruar jetë, ndërsa mbi A.D. është kryer ndërhyrje dhe është mbajtur për trajtim. Për shkak të plagëve nga arma e zjarrit, në Kompleksin e Klinikave “Nënë Tereza” është dërguar edhe N.D. nga Shkupi”, njoftoi ministria e Punëve të Brendshme.
Katër persona janë arrestuar pas ngjarjes, 39 vjeçari B.B, 22 vjeçari N.D, 41 vjeçari R.R dhe 28 vjeçari K.T që të gjithë nga Shkupi.
Gjithashtu, pas masave të ndërmarra, në vendngjarje janë gjetur dy pistoleta dhe sende të tjera të lidhura me rastin. Policia thotë se një mosmarrëveshje në një parking ka qenë shkaku për një debat mes dy grupeve./vizionplus.tv
