Kryeministri Edi Rama gjatë një interviste për CNN me gazetaren Eleni Giokos tha se në rrjete po qarkullojnë video të rreme,të marra nga vende të ndryshme dhe po i paraqesin si protesta në Shqipëri,
Ai kritikoi ashpër edhe mënyrën se si, sipas tij, po keqpërdoret liria e shpërndarjes së informacionit në rrjetet sociale.
Rama nënvizoi se përhapja masive e informacionit të manipuluar po dëmton funksionimin normal të sistemeve demokratike dhe po minon besimin e qytetarëve te politika dhe institucionet.
Rama: Por sasia e dezinformatave, e videove të rreme, e videove të marra nga protesta në vende të tjera dhe të paraqitura si protesta në Shqipëri, sasia e bot-eve që kanë hyrë aty nga armiku ynë… Ne kemi një armik, i vetmi armik është Republika Islamike e Iranit, dhe ata kanë tre vjet që zhvillojnë një sulm kibernetik të pamëshirshëm kundër Shqipërisë dhe janë përfshirë edhe në këtë çështje.
Kjo sasi çmendurie po gërryen demokracitë tona nga brenda dhe po e çon hapësirën europiane në drejtime që, më shpejt sesa vonë, do të shkatërrojnë plotësisht ndjesinë e politikës, vendimmarrjes dhe kompromisit në këtë pjesë të botës.
Është koha që demokracitë të mos besojnë më se ‘liria e shtrirjes së informacionit’ është një zgjatim i lirisë së shprehjes. Liria e shtrirjes së informacionit është ajo që çdo regjim, përmes propagandës, ka përdorur për të futur gënjeshtrën në çdo mendje.
/vizionplus.tv
