sh-deputeti i PD-së, Ervin Salianji, e ka akuzuar kryedemokratin Sali Berisha si tradhtar të demokratëve dhe të opozitës.
Përmes një postimi në rrjetet sociale, Salianji shkruan se Berisha, me mospjesëmarrjen e tij në Kuvend pasditen e së enjtes, tregoi edhe një herë se bashkë me Ramën bëjnë teatër.
Sipas Salianjit, Berisha ishte paradite në Kuvend dhe bëri sikur e akuzoi Ramën, por pasdite, kur ky i fundit ishte i pranishëm në sallë, kryedemokrati nuk erdhi për të mos u përplasur.
Postimi i Salianjit:
Sali Berisha kreu sot një tjetër akt tradhtie ndaj demokratëve dhe opozitarëve. Nuk është rastësi që gjithnjë e më shumë demokratë dhe qytetarë kërkojnë largimin e tij, duke e konsideruar pjesë të së njëjtës bashkëqeverisje me Edi Ramën.
Në bashkëpunim me njëri-tjetrin, e kërkojnë Ramën me gjasme çdo ditë kur ai mungon, ndërkohë që kur ai vjen në Parlament, Berisha e braktis sallën me një teatër që tashmë e kanë kuptuar të gjithë.
Në një moment kur qytetarët janë ngritur në këmbë kundër qeverisë dhe Shqipëria pret një përballje të fortë parlamentare me Ramën, Berisha zgjedh të bëjë teatër politik paradite, vetëm për t’i hapur rrugë dhe për të mos e vënë në vështirësi kryeministrin gjatë paraqitjes së tij në seancë.
Regjimi Rama–Berisha po i merr frymën demokracisë, po asgjëson opozitën reale dhe po bashkëqeveris në dëm të interesit publik. Shqiptarët meritojnë një alternativë të vërtetë, jo një konflikt të inskenuar që në fund i shërben mbajtjes së të njëjtit sistem në pushtet.
