Ky ka qënë një ndër sezonet më të suksesshëm për autoren dhe moderatoren Orinda Huta. Në këtë sezon televiziv, Orinda është prezantuar me dy projekte teje të rëndësishëm. Në fillim të sezonit Orinda u shfaq në platformën Tring dhe në kanalin Living me projketin “Surpriza SD”. Një emision,  i cili sjell ne ekran historinë e familjeve të personazheve me sindromën Down dhe vetë atyre, duke kontribuar në ndergjegjësimin e shoqërisë. Gjithashtu ky projekt ka për qëllim informimin e publikut në lidhje me sindromën Down dhe se kjo e fundit nuk e përfaqëson individin, që e ka.  Ndërkohë, që çdo të dielë në mbrëmje, Orinda prezanton emisionin “Fustani i ëndrrave”.

Në emisioni “Surpriza SD”, plotësimi i dëshirave shpesh të pa mundura për personat  me sindromën Down, vjen përmes kontributit të moderatores Huta dhe personazheve të ndryshëm, që ajo fton, në varësi të dëshirave të personazheve të vegjël e të mëdhenj me sindromën Down.

Këtë të shtunë në mbrëmje “Surpriza SD”, do të sjellë historinë e radhës. Për këtë histori, Orinda ka zbuluar përmes promos së emisionit se prezente do të jetë dhe këngëtarja Enca. Për më shumë do të na duhet të zbulojmë se çfarë “ka gatuar” Orinda dhe Enca, për vogëlushen me sindromën Down, që mesa duket do të buzëqeshë më tepër se kurrë.

 

 

Leave a Reply

Your email address will not be published. Required fields are marked *