Policia parandalon një ngjarje rë rëndë kriminale në familje duke arrestuar një shtetas I cili po ushtronte dhunë fizike dhe psikologjike ndaj bashkëshortes dhe e kërcënonte se do ta vriste.
Në pranga në flagrancë përfundoi shtetasi Z. K.,50 vjeç, banues në Pllanë, të Lezhës.
Vazhdimisht ai rrihte gruan e tij duke e kërcënuar se do ta vriste me armë zjarri,. Bashkëshortja nuk ka duruar më dhe mbrëmjen e të shtunës ka njoftuar policinë.
Gjatë kontrollit në banesën e shtetasit Z. K., efektivet gjetën dhe sekuestruan një armë zjarri kallashnikov me krehër me 10 fishekë, një kuti metalike me 750 copë fishekësh luftarak dhe 10 m fitil zjarrpërcjelljës.