Krimi kibernetik në Tiranë ka vënë në pranga tre persona, të cilët ushtronin veprimtarinë e paligjshme të vënies së basteve sportive nëpërmjet celularëve.
Në kuadër të operacionit “Willow” u vunë në pranga shtetasit A. A., 30 vjeç, R. J., 46 vjeç, dhe M. A., 54 vjeç, të gjithë banues në Tiranë.
Gjatë kontrolleve të ushtruara në disa subjekte të vëna në dispozicion për organizimin e lojërave të fatit, u konstatuan këta shtetas, në celularët e të cilëve, shërbimet e Policisë gjetën faqe dhe linqe që shërbenin për vënien e basteve sportive.
Gjatë operacionit u sekuestruan në cilësinë e provës materiale, 3 celularë që shërbenin për këtë veprimtari të paligjshme./vizionplus.tv
