Demokratët u mblodhën në protestën e 21 para bashkisë së Tiranës për të kërkuar largimin e Erion Veliajt. Ish-kandidati i opozitës për bashkinë e kryeqytetit Belind Këlliçi deklaroi se protestat nuk do të ndalojnë duke theksuar se dosja e inceneratorit të Tiranës dhe dosja e njohur me emrin “5D” janë dy prej rasteve më të renda korruptive. Në lidhje me dosjen 5D, Këlliçi akuzoi ish-kryetarin e parlamentit Gramoz Ruçi për lidhje me drejtorët e bashkisë që ndodhen sot të arrestuar
“E patë dosjen e Apelit të Posaçëm, a e patë që ‘5D’ kishte blerë gjysmë milionë euro, një apartament të ministrit të fundit të brendshëm të diktaturës, Gramoz Ruçit, ndërkohë që ishte në detyrë. Të dhënat paraprake që kemi tregojnë se edhe dy vite e gjysmë që ka shitur këtë apartament, komunisti i fundit Gramoz Ruçi ka vazhduar të jetojë në apartamentin e tij, sepse sigurisht ky ishte pastrim parash. Sepse nuk ka qytetar shqiptar që nuk e di, SPAK nuk e di”, tha Këlliçi.
Lexo edhe :
Related Posts
Këlliçi akuzoi kryebashkiakun Veliaj për korrupsion dhe për keqadministrim të qytetit; duke theksuar se Veliaj përdor aktivitetet sportive për të pastruar imazhin e tij
“Ky gjeti edhe aktivitetin më të pastër në botë, mbase festën që na bën të gjithëve bashkë, rezultatin e mundësve tanë që morën dy medalje, edhe aktivitet e bëri pis. Çfarë i duhet një hajduti si kryetari i bashkisë së Tiranës që s ka pas lidhje në jetën e vet as me sportin, as me terrenet sportive; përkundrazi s ka lënë terren sportive në tiranë pa e kthyer ne beton pa e kthyer në gropë për pallat; çfarë i duhet këtij që shkon e bën pis edhe këtë festë kombëtare”, tha ai.
Në fillim të protestës demokratët u përplasën me ekipin kombëtar të mundjes i cili përfaqësoi Shqipërinë në Paris dhe fitoi dy medalje olimpike
Sportistët kishin ardhur pranë godinës së bashkisë për të bërë një foto zyrtare për shkak të banerit që është vendosur aty me flamurin kombëtar. Por ata janë larguar nga protestuesit. /vizionplus.tv
