Të shtunën nis rikthimi i të gjithë atyre shqiptarëve që pas mbylljes së kufijve për shkak të pandemisë mbetën në Itali.
Përmes një postimi në facebook, kryeministri Edi Rama i kërkon qytetarëve që rezervimet për paketën e riatdhesimit në faqen e internetit të “Air Albania” janë hapur.
Belinda Balluku, ninistrja e Infrastrukturës bën me dije se qeveria do të mbulojë një pjesë të shpenzimeve për qëndrimin në një nga hotelet e përcaktuara në Durrës, ku do të vetizolohen për 14 ditë. Ndërsa qytetarët do të paguajnë vetë biletën e udhëtimit që është 100 euro dhe ushqimi, 7 euro në ditë.
Pas riatdhesimet nga Italia, që do të kryhen nga aeroporti i Romës, në ditët në vazhdim do të nis kthimi i shqiptarëve edhe nga vendet e tjera të Evropës ku janë bllokuar si pasojë e situatës nga koronavirusi.
Edhe për ta do të aplikohet e njëjta paketë financiare, me ndryshimin e vetëm se çmimi i biletës së udhëtimit do të jetë në varësi të vendit ku ndodhen.
