Kreu i LZHK-së dhe një nga aleatët e Partisë Demokratike, Dashamir Shehi shprehet se nëse opozita shqiptare vjen në pushtet, do të bëjë një dialektikë të re, ku do të krijojë një koncept të ri qeverisjeje.
I ftuar në emisionin “Quo Vadis” në Vizion Plus, Shehi deklaroi se marrëveshja e përbashkët do të shkruhet brenda këtij muaji, e ku do të përcaktohen prioritetet. Sipas tij, opozita synon të krijojë principet bazë të një demokracie që i afrohet asaj europiane.
“Do të shkruhet të kjo marrëveshja e përbashkët Brenda këtij muaji. Që do jemi bashkë përpara dhe mbrapa dhe ku do përcaktojmë prioritetet. Prioritetet nuk do të jenë më si më përpara, sesa ministra kam unë apo dikush tjetër. Prioritetet do të jenë që a do jemi dakord me këtë skemë të re politike, dmth a biem dakord që ta ndryshojmë fiskun e Shqipërisë, a biem dakord që do të ndryshojmë formulën e pensioneve, a biem dakord që do rrisim rrogat e shqiptarëve, të të gjithë shqiptarëve, nënpunësve, dhe jo vetëm një ose dy kategorie, a biem dakord me atë që tha Z.Basha që kryeministri i vendit do të rrijë vetëm dy mandate. Të krijojmë principet bazë të një demokracie ndryshe që t’I afrohet asaj europiane, të jetë më tepër garantuese. A biem dakord qoftë dhe për systemin e drejtësisë? Këto janë temat e mëdha që do të diskutojmë, kjo është dialektika e brendshme e opozitës shqiptare, e të djathtës në përgjithësi? A biem dakord bashkë me të majtën që ligjit të pronave do t’i japm një formë tjetër nga kjo që është sot, për t’i dhënë një zgjidhje definitive, mos të rrimë më si gur në shpatullat e ekonomisë dhe moralit shoqëror, edhe të trashëgimisë politike, këto janë temat e mëdh që diskutojmë ne. I kemi filluar dhe po shkojmë drejt përfundimit të kësaj pune dhe mbas një muaji do t’ua paraqesim shqiptarëve.”
Ai shtoi më tej se opozita e bashkuar nuk premton që do të bëjë mrekulli, siç ka vepruar qeveria Rama.
“Sigurisht, të gjithë. Dhe do të zgjedhim lektorët më të mirë t’u shpjegojmë shqiptarëve se çfarë do të bëjmë, jo mrekulli, jo gënjeshtra, nuk do t’i themi shqiptarëve që do të hapim 300 mijë vende pune ne, s’i hapim dot. Si përrallat e atyre. Ne gjykojmë që më e madhja që mund të mbërrihet 2vjetët e parë, është të balancohet ky buxhet dhe ky borxh public të marrë një tendencë pozitive që mos të shkojë Shqipëria të bëhet si Greqia. Nuk pranojmë këto gënjeshtra siç thoshte Edi Rama që na la një gropë financash ajo Qeveria e Berishës. I la ajo në fakt, nja 300 MLN, kaq ishte e gjitha. I mori të nesërmen borxh, po të jetë jo gropa 300 MLN ia fal unë se i mbyllim brenda vitit, ky ka lënë 3 MLD. Që ta kenë të qartë shqiptarët, i ka ndarë ai me shokët e Dubait, ai grupi aty ndan 1.5 MLD nga qeveria Rama, vetëm ai grupi atje. Kështu që këtë do t’i themi shqiptarëve, këtë do të bëjmë të parën, dmth të bëjmë transparencë, tu japim programin.”
