Për ditën e enjte, vendi ynë do të vijojë të ndikohet nga kushte kryesisht të qëndrueshme atmosferike. Moti parashikohet i kthjellët, por nuk do të mungojnë vranësirat e pakta deri mesatare, më të theksuara në zonat lindore dhe juglindore, kryesisht gjatë orëve të mesditës.
Era do të fryjë me drejtim juglindje–jugperëndim–jug, me shpejtësi mesatare rreth 7 m/s. Përgjatë vijës bregdetare, kryesisht në atë jugperëndimore, si dhe në zonat luginore, era pritet të fitojë shpejtësi deri në 15 m/s.
Në det, valëzimi do të jetë i forcës 1–3 ballë.
Temperaturat do të mbeten të larta. Maksimumi prej 37°C pritet të regjistrohet në Elbasan, Gjirokastër dhe Berat. Në Tiranë, Shkodër, Kukës dhe Peshkopi temperaturat do të arrijnë deri në 36°C, ndërsa në qytetet bregdetare priten rreth 35°C.
/vizinplus.tv
