Sekretari i përgjithshëm i NATO-s, Jens Stoltenberg paralajmëroi kërcënimin që i vjen botës nga Rusia pas dështimit të zbatimit të marrëveshjeve ndërkombëtare dhe tensioneve në rritje mes SHBA dhe Turqisë.
JENS STOLTENBERG
SEKRETAR I PERGJITHSHEM I NATO-s
“Marrëveshja e nënshkruar në vitin 1987 ndalon raketat afatshkurtra dhe të mesme dhe Rusia nuk po i përmbahet. Situata është tejet serioze, raketat ruse të cilat janë në shkelje të qartë të traktatit janë në gjendje të arrijnë qytetet evropiane brenda pak minutave. Nëse Rusia nuk përmbush kriteret e marrëveshjes deri në afatin e 2 gushtit atëherë do të përballet me një përgjigje të matur mirë. Ne duhet të jemi të përgatitur për një botë me më shumë raketa ruse.”
Stoltenberg shtoi se përshkallëzimi i tensioneve SHBA-Turqi, dy antarë të rëndësishëëm të organizatës, e përkeqëson situatën edhe më shumë.
Presidenti Donald Trump ka bërë të ditur se SHBA do të pezullojë detyrimet e saj sipas Traktatit të Forcave Bërthamore të Mesme, duke akuzuar Rusinë për shkeljen e kushteve. Rusia mohoi akuzat dhe njoftoi se ka plane për zhvillimin e sistemeve të reja të armëve.
Nga ana tjetër, SHBA e ka përjashtuar Turqinë nga programi I avionëve luftarakë F-35 pas llerjes së sistemit rus tё mbrojtjes. Prej muajsh kjo cështje ka sjellw pwrplasje grindje mes SHBA dhe Turqisё.
