Familjarët e Kudret Saliajt, që u vra nga vjehrri i tij të premten, hedhin poshtë akuzat se ai dhunonte bashkëshorten e tij, me të cilën ishte në proces divorci.

 

Ata treguan për mediat se një ditë para se të ndodhte krimi, të enjten, Mexhit Picari ka shkuar në shtëpinë e tyre. Familjarët u shprehën se Kudret Saliaj kishte kërkuar urdhër mbrojtjeje ndaj gruas së tij.

 

“Të merret dosja në prokurori. Ajo është e dënuar për dhunë në familje. Ka akuza të tjera të cilat nuk janë shqyrtuar nga prokuroria. Ka vendime të gjykatave. 3 fëmijët ndodhen në banesën ku jetonte Kudreti.  Janë të pavërteta deklaratat e tyre (Mexhitit dhe bashkëshortes). Ditën para vrasjes na kanë ardhur në banesë, Kudreti jo vetëm nuk e ka sulmuar dhe dhunuar atë, por ka kërkuar mbrojtje prej saj. Ka kërkuar forma të ndryshme për ta larguar. Goca 9 vjeç djemtë 12 dhe 16 vjeç janë të traumatizuar. Ne nuk na duhet dalja para mediave, ajo që është bërë është bërë, çfarë zgjidh dalja jonë? Pesha më e madhe jona janë fëmijët tani, Kudretin e përcollëm të shkretin, kujdesi ndaj tyre. Ata le të dalin në media, s’di ç’të them për ta, ne i kërkojmë drejtësisë të japë drejtësi.  Pretendimi i saj se është dhunuar nga Kudreti e apo shenjat që ka treguar, s’është e vërtetë. E dimë ne dhe e di edhe ajo e prokuroria kush ia ka bërë shenjat asaj. Janë historira të vjetra. Pyeteni avokatin që u plagos, ai e njeh dosjen”, tha kushëriri i Kudret Saliajt.

 

Më herët u zbardh dëshmia e Mexhit Picarit, autorit të vrasjes, i cili pretendon se Kudreti e ka sharë kur është ndeshur me të në lokalin pranë Gjykatës së Tiranës.

 

 

 

Leave a Reply

Your email address will not be published.