Për herë të parë Shqipëria ka marrë një vlerësim të ri nga Agjencia e vlerësimit të kreditit “Standart & Poors”. Kjo e fundit ka përmirësuar vlerësimin e Shqipërisë në BB-. E thënë ndryshe, ky kategorizim tregon për perspektivën e qëndrueshme ekonomike që paraqet vendi.
Agjencia prestigjioze “S&P” evidenton në raportin e saj më të fundit se ekonomia shqiptare ka përballuar me sukses sfidat njëkohësisht ka dhe shëndetshmëri financiare. Ministri Financave Ervin Mete tha se ky lajm vjen pas suksesit të menaxhimit të financave publike.
Lexo edhe :
Related Posts
“Ky vlerësim i “S&P” vjen gjashtë muaj pasi agjencia ndërkombëtare rishikoi në rritje perspektivën e Shqipërisë nga e qëndrueshme në pozitive dhe është një vlerësim i përpjekjeve tona për sigurimin e një rritjeje të qëndrueshme ekonomike, forcimin e financave publike dhe efektivitetin e politikave strukturore. Rritja e vlerësimit nga “Standard & Poor’s” merr një rëndësi edhe më të veçantë në kushtet e një situate sfiduese të ekonomisë globale, pasi një pjesë e konsiderueshme vendesh kanë patur rënie të vlerësimit nga agjencia ndërkombëtare. Ky vlerësim nënvizon besimin në aftësinë tonë për të përballuar sfidat ekonomike, duke forcuar në të njëjtën kohë bazat financiare. Ai përbën një certifikim të strategjisë sonë të rritjes dhe praktikave të menaxhimit të financave publike”, tha Mete.
Por cili është efekti i një vlerësimi të tillë?
“Vlerësimi forcon pozitat e jashtme të Shqipërisë dhe sjell përfitime konkrete për ekonominë e vendit. Tani vendi do të perceptohet më pozitivisht nga investitorët e huaj për të investuar në Shqipëri dhe kjo pritet të përkthehet në investime të huaja më të larta, si edhe kushte më të lehtësuara për huamarrjen e Shqipërisë në tregjet ndërkombëtare. Ky përmirësim pritet po ashtu të reflektohet dhe në tregun vendas, në kosto më të ulëta të financimit për bankat, bizneset dhe individët”, sqaroi Mete.
2023 ishte një vit i mbarë për ekonomisë. Turizmi dha një impakt pozitiv në zinxhirin e shërbimeve, ndërkohë që treguesit kryesorë të ekonomisë në përgjithësi u përmirësuan./vizionplus.tv
