Ministri i Shtetit për Pushtetin Vendor, Arbjan Mazniku është paraqitur ditën e sotme në SPAK.
Mazniku i është përgjigjur fletëthirrjes së prokurorit Klodian Braho për të dhënë deklarime për dosjen “5D”, e cila ka çuar pas hekurave disa zyrtarë të bashkisë Tiranë.
Gjykata firmosi më 28 mars 2024, tre masa sigurie arresti në burg për Redi Mollën, ish-drejtor i ujësjellës kanalizimeve, Taulant Tushen, ish-drejtor i punëve publike dhe Mariglen Qato, ish-drejtor i Inspektoratit së Mbrojtjes së Territorit.
Sipas SPAK zyrtarët e bashkisë së Tiranës kanë favorizuar kompaninë “5D” në disa tendera.
Organi i akuzës ka prova se kjo shoqëri zotërohej nga 3 persona të cilët ishin ortakë fiktivë, ndërsa pronarët e vërtetë ishin Mariglen Qato dhe Redi Molla.
/vizionplus.tv
