Presidenti Ilir Meta këmbëngul se platforma me 14 pika e propozuar prej tij i është vënë në dispozicion kryeministrit Edi Rama qysh më 8 prill.
Materiali i është dorëzuar, referuar Metës, edhe ambasadores së SHBA, Yuri Kim.
“Që Platforma për Integrimin Europian (Non Paper) i është paraqitur Ambasadores së SHBA që më 8 prill 2020 është FAKT. Që Rama GËNJEN nuk është më lajm as për të huajt.”
Reagimi i Metës erdhi pasi Edi Rama mohoi të kishte marrë një platformë nga kryetari i shtetit. Kryeministri u shpreh këtë të premte i gatshëm të ulet në një tryezë me opozitën, me karta të hapura.
