Një 35-vjeçar nga Durrësi ra në prangat e Policisë së Elbasanit. I riu u kap duke transportuar drejt Tiranës dhjetë sirianë, të cilët i kishte marrë në Korçë.
Për të kaluar kufirin, i arrestuari u kishte kërkuar emigrantëve të paligjshëm nga 450 euro për person. Gjatë operacionit të koduar “Mesnata”, 35-vjeçari tentoi t’i largohej policisë, duke shkaktuar kështu edhe një aksident rrugor.
Pas prangosjes, ai u njoh me akuzat “Ndihma për kalim të paigjshëm të kufirit”, “Shkelja e rregullave të qarkullimit rrugor” dhe “Mosbindja ndaj urdhrit të punonjësit të policisë së rendit publik”.
