Merr flakë urbani në Tiranë/ Shpëtojnë mrekullisht pasagjerët
Motorri i linjës së Institutit ka marrë flakë në ecje e sipër.
Ngjarja ka ndodhur rreth orës 16:50 minuta të kësaj të hëne, ndërsa urbani drejtohej nga shtetasi me iniciale S.A.
Pasagjerët që ishin në urban kanë dalë menjëherë dhe fatmirësisht kanë shpëtuar pa lëndime.
Në vendin e ngjarjes kanë shkuar policia dhe zjarrëfikësja.
Paraprakisht dyshohet se zjarri është shkaktuar si pasojë e një defekti.
Tiranë/Informacion paraprak
Me datë 10.04.2023, rreth orës 16:50, në rrugën “Dritan Hoxha”, ka marrë flakë në lëvizje e sipër dhe është djegur pjesërisht në pjesën e motorrit, autobusi i linjës së Institutit, me drejtues shtetasin S. A.
Në vendin e ngjarjes kanë shkuar shërbimet e Policisë dhe shërbimet zjarrfikëse. Personat që ndodheshin në autobus kanë dalë nga autobusi dhe nuk ka asnjë të dëmtuar.
Paraprakisht dyshohet se zjarri është shkaktuar aksidentalisht. Grupi hetimor po punon për zbardhjen e rrethanave të ngjarjes.
