Siguroi kushtet për atentatin ndaj Terziut, GJKKO jep masën “arrest me burg” për Ardit Gjokrosën
GJKKO ka caktuar masën “arrest me burg” për Ardit Gjokrosën, i cili u ekstradua dy ditë më parë në vendin tonë nga Gjermania.
Gjokrosa akuzohet për sigurimin e kushteve për vrasjen e Hamza Terziut më 21 maj 2020, në Bulqizë.
Po ashtu, ai akuzohet edhe për disa vepra të tjera penale, siç është ajo e pjesëmarrjes në grup të strukturuar kriminal.
Akuzat e SPAK:
Ardit Gjokrosa, akuzohet për veprat penale “Sigurimi i kushteve dhe i mjeteve materiale për të kryer vrasje”, në dëm të shtetasit, Hamza Terziu, kryer në bashkëpunim të veçantë, atë të grupit të strukturuar kriminal, parashikuar nga nenet 80 e 28/4 të Kodit Penal;
“Grup i strukturuar kriminal”, në formën e pjesëmarrjes, parashikuar nga neni 333/a, paragrafi 2-të i Kodit Penal;
“Kryerja e veprave penale nga organizata kriminale dhe grupi i strukturuar kriminal”, të parashikuar nga neni 334 pika 1 i Kodit Penal.
