Partia Demokratike dega Patos, këtë të dielë zhvilloi zgjedhjet për kryetarin e degës.
Me 275 vota në krye të degës u zgjodh Shezaim Ymeraj, me profesion mësues matematike, ndërsa Ardjan Rama mori 119 vota. 1 votë doli e pavlefshme.
Votimi nisi në oren 09:00 dhe u mbyll pas orës 17:00. Në këto votime morën pjesë 395 anëtarë të Partisë Demokratike ndërsa kryetari i ri i degës u zgjodh në bazë të parimit një antar një votë.
Pas mbylljes së votimit fituesi Ymeraj u shpreh se do të punohet për të bashkuar Partinë Demokratike. Ky proces u ndoq nga afër nga deputetit Luan Baci, i deleguari i Partisë Demokratike. Procesi u administria nga një komision, anëtarët votuan në dy dhoma te fshehta e votat u hodhën në një kuti.
Pritet që në datë 20 prill do të votohet në Divjakë e më pas në Lushnje, dy degët e fundit për qarkun Fier, ku nuk është zgjedhur ende kryetari. Deri më tani është zgjedhur Rrapi Gjika në krye të degës së Fierit, Resmi Shanaj në Mallakastër dhe Emels Xhaxhaj në Roskovec.
