Maturantët kanë përfunduar sot testin e tretë, atë të matematikës. Procesi që zgjati më shumë se 2 orë është mbyllur pa probleme, ndërsa nxënësit thonë se teza ishte më e vështirë nga niveli që pritej.
Siç ka ndodhur me 2 tezat e tjera të maturës, edhe provimi i matematikës është publikuar nga ish-deputeti i Partisë Demokratike Luciano Boçi pak minuta pas fillimit të testimit.
Si edhe për testin e letërsisë, Ministria e Arsimit nuk ka bërë ende asnjë reagim për situatën e përsëritur. Nxënësit janë të detyruar që të hyjnë në sallat e testimit pa pajisje elektronike, duke e mënjanuar kështu që të jenë vetë ata që të kenë bërë publikimin.
Maturantët i ndan edhe një provim nga mbyllja e gjimnazit, duke i bërë të mendojnë për hapin e radhës, studimet e larta. Edhe pse një pjesë janë të dyzuar, shumica e tyre shohin si alternativë studimet jashtë Shqipërisë.
Pjesa dërrmuese e nxënësve e shohin këtë si mundësi përveçse për të vijuar studimet, por edhe për të ndërtuar të ardhmen jashtë kufijve.
