Një 6-vjeçar ka mbetur i plagosur në një aksident ditën e djeshme në aksin rrugor Gjiri i Lalzit-Maminas.
Sipas policisë nga ky aksident plagosur ka ngelur shtetasi me iniciale E.Gj., banues në Manzë, ndërsa drejtuesi i mjetit është larguar nga vendi i ngjarjes.
Fatmirësisht informacioni policor konfirmon se vogëlushi është dërguar në spital, ndërsa ndodhet jashtë rrezikut për jetën.
Policia po punon për identifikimin dhe kapjen e drejtuesit të mjetit. “Më datë 21.07.2018, në aksin rrugor Gjiri i Lalzit-Maminas, një automjet ka aksidentuar shtetasin e mitur E.Gj, vjeç 6, banues në fshatin Manzë, i cili ndodhet në spital jashtë rrezikut për jetën. Punohet për identifikimin dhe kapjen e drejtuesit të mjetit. Nenet 290 e 273 të Kodit Penal”, thuhet në njoftimin e policisë.
