Një 33-vjeçar shqiptar ka rënë në pranga nga policia e Italisë. Sipas mediave të huaja, ai dyshohet si i përfshirë në rrjetin e shpërndarjes së kokainës.
Oficerët e Ekipit Hetimor të Stacionit të Policisë Lorenteggio, gjatë një operacioni të synuar për të luftuar trafikimin e drogës, identifikuan një apartament si bazë të mundshme për posedim dhe trafikim droge.
Oficerët panë 33-vjeçarin që me sa duket duke pritur dikë jashtë një ndërtese në Via Verdi, dhe e gjetën atë në posedim të një palë çelësash për një apartament brenda ndërtesës.
Gjatë kontrollit gjetën dhe sekuestruan disa pako droge të vulosura, një qese që përmbante 43 gramë kokainë, të ndarë në shtatë copë, 100 euro cash, një peshore precize, një lugë çaji dhe një palë gërshërë, të dyja të ‘njollosura’ me lëndë narkotike, informon media italiane.
I riu është mbyllur në qelitë e paraburgimit, në pritje të masës së sigurisë, teka vijojnë hetimet për të zbuluar bashkëpunëtorë të tjera të rrjetit.
