Kryetarja e LSI Monika Kryemadhi ka shfrytëzuar Konventën Kombëtare për të bërë të qartë se aksioni i opozitës për rrëzimin e qeverisë nuk do të ndalet. E për të ilustruar këtë, Kryemadhi ka recituar një prej poezive të Dritëro Agollit.
“Unë u rraha me ta e u grisa në gjoks e krahë, si mund të rrija në paqe? Poeti duhet të dijë të rrahë dhe jo vetëm të thurë vargje”. E pra ne do të dimë si të sillemi me këta vagabondë,”
Kryemadhi sulmoi kryeministrin Rama jo vetëm për mënyrën si ka qeverisur Shqipërinë por edhe për qëndrimin ndaj Kosovës.
“Pikërisht se trëndafilin e Partisë Socialiste e ka zëvendësuar me oturakun e qarqeve antishqiptare. Pikërisht sepse dhe në politikë dhe në diplomaci flasin me gjuhën e PPP-ve, guxuan deri aty sa të hedhin në treg për turpin e tyre dhe ndarjen e Kosovës. Aq sa u desh një Samit i madh evropian për ti thënë një JO të madhe pazarxhinjve të trojeve shqiptare.”
Kryemadhi ka shfrytëzuar epitetet që përdor kryeministri Rama për të theksuar se kauza e opozitës do të fitojë.
“edhe si doktoreshë. Edhe si fallxhore e parashikoj të ardhmen e Shqipërisë të ndritur, të begatë, pa Edi Ramën kryeministër”
