Kreu i KLP, Gent Ibrahimi shprehu rezerva për të rinjtë që ulen në karrigen e prokurorit. Nga studioja e “Quo Vadis”, ai deklaroi se një pjesë e emrave që shkojnë në KLP nga Shkolla e Magjistraturës nuk janë mjaftueshëm të kualifikuar dhe për këtë arsye kthehen mbrapsht.
“Për cdo kandidat për student ne kontrollojmë pasurinë, integritetin, historinë e tyre profesionale. Sepse kërkohet që dikush që do të bëhet magjistrat, duhet të ketë një lloj eksperience në punë dhe rezultatet e tyre në punë ne i verifikojmë. Pra ne i bëjmë një veting, po e quajmë një mini veting për ta dalluar me vetingun e madh të cilin e njohin të gjithë, është ai veting që zbatohet tek gjyqëtarët dhe prokurorët. Ky veting që bëjmë ne, nuk është një lloj rrahje uji në hava, nuk është kot. Ka gjetje. Ne i drejtohemi organeve të inteligjencës, organeve të drejtësisë, punamrrësve, punëdhënësve të mëhershëm të kandidatëve. ILDKP-së që bënë një kontroll të pasurisë së deklaruar të tyre. Në përfundim të këtij procesi ne shpesh herë themi jo. Ne themi që nga këta kandidat që ka zgjedhur Shkolla e Magjistraturës për tu pranuar për trajnim në Shkollën e Magjistraturës, ne themi se x, y, z, nuk do të pranohen për shkak të gjetjeve të vetingut tonë.”
