Më 23 shtator, u zhvillua në Vienë konferenca “Shqipëria: horizonti i ri”.
CEO i “Concord Investment” dhe partneri kryesor i markës ndërkombëtare “Melia” në Shqipëri, zoti Artan Dulaku, ishte i pranishëm në konferencën ku morën pjesë sipërmarrje nga mbi 25 vende të botës.
Diskutimet u përqendruan te potenciali i turizmit dhe sektorit të pasurive të paluajtshme, duke nxjerrë në pah interesin e lartë të investitorëve të huaj në vendin tonë.
Ky event konfirmoi njëherazi edhe rëndësinë e zhvillimit të qëndrueshëm për pozicionimin e Shqipërisë si një destinacion kyç në rajon.
Zoti Artan Dulaku: Pata nderin të merrja pjesë në konferencën “Shqipëria: Një horizont i ri”, të organizuar nga Raiffeisen Bank International AG në Vjenë.
Si pjesë e sesionit “Turizmi dhe Prona: Zhbllokimi i Potencialit të Shqipërisë”, diskutimet nxorën në pah zhvillimin e shpejtë në sektorin e pasurive të paluajtshme dhe mikpritjes, si dhe interesin në rritje nga investitorët ndërkombëtarë.
Eventi përforcoi mënyrën se si investimet strategjike dhe zhvillimi i qëndrueshëm mund ta pozicionojnë Shqipërinë si një destinacion kyç në rajon. Jam krenar që kontribuoj në këtë dialog të rëndësishëm dhe që përfaqësoj tregun tonë në rritje në një skenë ndërkombëtare.
I pranishëm në konferencë ishte edhe kreu i qeverisë Edi Rama.
View this post on Instagram
