Situata e Koronavirusit nuk po gjen qetësi në futbollin italian. Këtë herë infeksioni ka shpërthyer në Serinë C. Në skuadrën e Karpit kanë rezultuar pozitiv 37 persona, vetëm gjatë 24 orëve të fundit. Një bilanc negativ ky që ka dërguar të gjithë skuadrën në izolim në kuptimin e plotë të fjalës.
Klubi, i cili disa vite më parë ishte pjesë e Serie A zhvilloi testet e koronavirusit mbrëmjen e të enjtes dhe përgjigjet që morën ishin tronditëse.
Përveç kësaj në secilin rast dolën dhe persona të tjera të infektuar, një tjetër fakt i rëndë që tregon se protokollet dhe masat e sigurisë nuk janë zbatuar me seriozitetin përkatës.
Megjithatë nga ajo çfarë raportohet në mediat italiane, klubi vijon me dezinfektimin e ambienteve dhe vendosjen në izolim të nëpunësve të ekipit sipas protokollit, deri në tamponin e radhës i cili mendohet të jetë më 26 dhjetor.
