Marrëdhënia jo gjithmonë e mirë midis Meghan dhe mbretëreshës Elisabeth ka qenë në vëmendjen e shumë mediave britanike. Këtë herë përsëri ato kanë treguar një veprim të bërë nga mbretëresha pikërisht në ditët e dasmës së Meghan dhe Harry.
Sipas burimeve Meghan paska dashur një kurore tjetër dhe jo atë që pamë të gjithë!
Në librin “Battle of Brothers: |William and Harry – The Inside Story of a Family in Tumult”, historiani dhe biografi mbretëror Robert Lacey, ka zbuluar se mbretëresha Elizabeth II nuk ishte dakord me zgjedhjen e parë të Meghan Markle.
“Është e pakonfimuar nga Pallati – por nuk u mohua kurrë – megjithëse na u tha se mbretëreshës iu desh t’i thoshte ‘jo’ zgjedhjes së parë të Meghan, një diademë prej smeraldi që thuhej se kishte ardhur nga Rusia”, shkruan Lacey në librin e tij.
Më tej ai shton se kurora ishte një nga ato që kishte mbërritur në duart e mbretërisë përmes rrugësh të dyshimta gjatë Revolucionit Rus. Lacey shkruan se mbretëresha ishte e mendimit se nuk do t’i shkonte për shtat Pallatit Mbretëror dhe Meghani-t që gazetat të spekulonin se cila nga princeshat, vajzat e carit Nikolla II të Rusisë, e kishte mbajtur kurorën para se të vritej nga bolshevikët në vitin 1918.
Dhe për këtë arsye si përfundim u vendos që Meghan të mbante në dasmë një tjetër kurorë./ Living
