Lideri i Koresë së Veriut, Kim Jong Un, urdhëron konfiskimin e qenve shtëpiakë, duke thënë se mbajtja e tyre përfaqëson tendencë perëndimore.
Siç shkruan “New York Post”, Kim nxori direktivën në korrik për të grumbulluar kafshët shtëpiake, duke pretenduar se ato ishin pjesë e një tendence të “njollosur” nga ideologjia borgjeze.
Qytetarët që posedojnë qen, i druhen faktit se mund të përfundojnë në darkën e dikujt.
“Njerëzit e zakonshëm rritin derrat dhe bagëtitë në verandat e tyre, por zyrtarë të rangut të lartë dhe të pasurit kanë qenë shtëpie, gjë e cila shkaktoi pakënaqësi në mesin e klasave të ulëta”, tha një burim për botimin në anglisht të Chosun Ilbo, një gazetë e Koresë së Jugut.
“Autoritetet kanë identifikuar familjet me qenë shtëpiakë dhe po i detyrojnë ata të heqin dorë ose do të konfiskohen me forcë dhe do të vriten”.
Teksa regjimi në Korenë e Veriut thotë se masa është për të larguar tendencën kapitaliste në Pyongyang, njerëzit që posedojnë qen, kanë frikë se duke pasur parasysh mungesën e ushqimit në Korenë eVeriut – dhe prirjen për të ngrënë mish qensh – direktiva ka ardhur vetëm për të ushqyer masat.
