Nuk ishim mësuar të dëgjonim deklarata romantike nga vajza që i ndërronte të dashurit po aq shpesh sa të brendshmet. Megjithatë Khloe, e cila zakonisht është shumë e rezervuar tek fjalët e ëmbla, duke iu lënë vendin vetëm atyre seksuale, këtë herë ka surprizuar. Motra 32-vjeçare e Kim Kardashian, nuk ka rezistuar dot pa nxjerrë jashtë gjithçka ndjente, në urimin që i bëri të dashurit të saj, Tristan Thompson, për ditëlindje.
Basketbollisti i Cleveland Cavaliers mbushi 26-vjeç dhe një rast i tillë nuk mund të kalonte si gjithë ditët e tjera. “Për ditëlindjen më të lumtur dashuria ime, e para e shumë të tjerave që do të kalojmë bashkë”, – ishin disa nga fjalët e Khloe. Jo vetëm kaq, por ajo përdori edhe fjalën e fortë “përgjithmonë”, duke thënë se: “Le ta shohim përgjithmonë njëri-tjetrin në këtë mënyrë”. Dhe përpara deklaratave të tilla, dy janë mundësitë, ose lumturohesh kur e dashuron vërtetë personin, ose kupton se ka ardhur koha që të krijosh pak distancë. Çfarë do bëjë Tristani?
