Presidentja e Komisionit Europian, Ursula Von Der Leyen prezantoi këtë të hënë iniciativën ndërkombëtare të donatorëve për mbledhjen e 7.5 miliardë eurove, të cilat do të shërbejnë për gjetjen dhe prodhimin e vaksinës kundër Kovid 19.
Në fjalën e saj gjatë prezantimit të iniciativës, Von der Leyen tha se Virusi i ka dëmtuar rëndë shumë vende të botës, ndaj ato kanë nevojë për zbulimin e vaksinës.
URSULA VON DER LEYEN
PRESIDENTE E KOMISIONIT EUROPIAN“Unë besoj se kjo ditë, do të shënojë një kthesë të rëndësishme në luftën koronavirusi, sepse sot bota po bëhët bashkë, qeveritë nga të gjitha kontinentet dhe organizatat e shëndetësisë në mbarë globin do të bëhen një në këtë luftë kundër pandemisë. Parnerët tanë në këtë luftë janë shumë, por qëllimi ynë është 1: të mundim virusin. Pandemia ka shkaktuar dëme në ccdo shtet të botës, duke sjellë vuajtje dhe dhimbje për miliona njerëz. Virusi ka vënë në rrezik ekonominë dhe bizneset tona. Ndaj, objketivi ynë kryesor është mbledhja e një shume prej 8 miliardë dollar, një financim i nevojshëm që ne të kemi një vaksinë. Objektivi ynë i dytë është që të gjitha organizatat shëndetësore në mbarë globin të punojë së bashku në këtë rrugë për të mposhtur pandeminë”
Von Der Leyen tha se Komisioni Europian ka vënë në dispozicion1 miliardë euro.
Po ashtu, presidenti Francez Emmanuel Macron ka premtuar se Franca do të kontribuojë me një shumë prej 500 milionë Euro.
“Franca do të kontribuojë 500 milion euro për këtë nismë globale”, tha Macron.
Ndërsa Kancelarja Gjermane Angela Merkel tha se vend ii saj do të dhurojë 525 milion euro.
ANGELA MERKEL
KANCELARE E GJERMANISE“Pandemia është një luftë e përbashkët me të cilën ne po përballemi të gjithë. Gjermania do të dhurojë 525 milionë euro për këtë iniciativë. Është e nevojshme që të gjithë të behëmi bashkë në këtë qëllim që do t’i shërbejë mbarë njerëzimit në këtë betejë të ashpër me virusin”
Iniciativës i janë bashkuar edhe liderët e vendeve më të goditura nga pandemia në Europë, Italia dhe Spanja premtuan më shumë se 100 milionë euro.
Deri më tani, sipas premtimeve janë mbledhur 5.4 miliardë euro në iniciativën e përbashkët globale në gjetjen e vaksinës kudër covid 19.
Përveç liderëve evropianë, krerët e shteteve të Australisë, Kanadasë, Izraelit, Japonisë, Jordanisë, Afrikës së Jugut dhe Turqisë konfirmuan kontributin e tyre në këtë inciativë.
Qëllimi i konferencës së donatorëve është të mbledhë rreth 4 miliardë euro për hulumtimin e vaksinës, 2 miliardë euro për trajtime dhe 1.5 miliardë për zhvillimin e testimeve.
Shtetet e Bashkuara të Amerikës nuk kanë marrë pjesë në këtë iniciativë globale. Po ashtu, edhe Rusia.
