Një 51 vjecar nga Korca u arrestua në Greqi dhe më pas u ekstradua përmes pikës kufitare të Kapshticës në vendin tonë.
Bernard Bylykbashi, 51 vjeç, banues në fshatin Lumalas ishte shpallur në kërkim në bazë të një vendimi të Gjykatës së Korcës që e ka dënuar atë me 5 vjet burg për veprat penale “Prodhimi dhe shitja e narkotikëve” dhe “Kalimi i paligjshëm i kufijve”.
Po ashtu policia e Korcës bëri të mundur kapjen dhe ndalimin e shtetasit të shpallur në kërkim A. D., 49 vjeç, banues në Tiranë.
Gjykata e Korcës ka caktuar ndaj këtij shtetasi masën e sigurisë “Arrest në burg”, për veprën penale “Kultivimi i bimëve narkotike”.
