“Kapëm Maduron dhe bashkëshorten e tij”/ Zv.presidentja e Venezuelës pas deklaratës së Trump: Kërkojmë prova që janë ende gjallë

Zëvendëspresidentja e Venezuelës, Delcy Rodriguez deklaroi se qeveria nuk ka informacion mbi vendndodhjen e presidentit Nicolas Maduro dhe bashkëshortes së tij, Cilia Flores, pas bombardimeve të ndodhura në orët e para të mëngjesit të kësaj të shtune nga SHBA-të.

Ajo u shpreh në një intervistë në televizionin shtetëror se autoritetet kërkojnë prova të menjëhershme për jetën dhe vendndodhjen e presidentit dhe bashkëshortes së tij.

Lexo edhe :

Related Posts

Amerika sulmon Venezuelën, Trump: Kemi kapur Presidentin Maduro dhe gruan e tij

Sulmet nga SHBA-të, Venezuela kërkon takim urgjent të Këshillit të Sigurimit të OKB

Sulmi i SHBA-së, senatori republikan: Nuk priten veprime të mëtejshme kundër Venezuelës pas arrestimit të Presidentit Maduro

Deklarata e saj erdhi pak pas momentit kur presidenti amerikan Donald Trump tha se Nicolás Maduro, së bashku me bashkëshorten e tij, është kapur dhe është nxjerrë jashtë vendit me aeroplan.

REAGIMI I TRUMP:

Shtetet e Bashkuara të Amerikës kanë kryer me sukses një sulm në shkallë të gjerë kundër Venezuelës dhe udhëheqësit të saj, Presidentit Nicolas Maduro, i cili, së bashku me gruan e tij është larguar me aeroplan nga vendi. Ky operacion u krye në bashkëpunim me forcat e rendit të SHBA-së. Do të ketë një konferencë për shtyp sot në Mar-a-Lago. Faleminderit për vëmendjen tuaj ndaj kësaj çështjeje! President DONALD J. TRUMP”.