Nicolas Maduro, presidenti i arrestuar nga “Delta” amerikane me urdhër të Donald Trump, tha në Gjykatën e Manhatanit në Nju Jork të SHBA-ve, se e konsideron veten të rrëmbyer, por ende në krye të Venezuelës.
Ai gjithashtu është shprehur se është i pafajshëm për akuzat penale që rëndojnë ndaj tij, ndërsa jashtë gjykatës u mblodhën turma protestuesish me qëndrime të kundërta.
Siç shkruajnë mediat e huaja, seanca e plotë dëgjimore, pas paraqitjes paraprake, është caktuar të mbahet më 17 mars, teksa presidenti venezuelian dhe gruaja e tij kërkuan lirimin e menjëhershëm pasi ishin rrëmbyer në mënyrë të paligjshme.
“Unë jam një njeri i nderhsëm dhe jetoj si i tillë. Jam rrëmbyer në shtëpinë time në Karakas dhe jemi të pafajshëm”, tha ai mes të tjerash.
Edhe bashkëshortja e tij, Celia Flores deklaroi se është e pafajshme dhe se vijon të jetë zonja e parë e Venezuelës. Në të njëjtën kohë, avokati i saj tha se Flores ka lëndime në brinjë dhe ka nevojë për trajtim.
Ndërsa Maduro po deklarohej i pafajshëm brenda gjykatës, një grup protestuesish dhe kundërprotestuesish ishin mbledhur jashtë.
Një pankartë shkruante: “SHBA, duart larg Venezuelës”, një tjetër: “Faleminderit President Trump”.
Biseda e Maduros me gjyqtarin Hellerstein
Nicolas Maduro u paraqit për herë të parë në gjykatë, ku u akuzua për narkoterrorizëm dhe posedim armësh.
Gjykatësi: Dua vetëm të di, a jeni Nicolas Maduro Moros?
Maduro: Po.
Gjykatësi: A ju është dorëzuar aktakuza?
Avokati mbrojtës: Ne heqim dorë nga leximi publik.
Maduro: E mora në duar për herë të parë. Preferoj ta lexoj personalisht.
Gjykatësi: Çfarë do të deklarosh për veten tënde?
Maduro: Unë jam i pafajshëm. Unë jam një njeri i ndershëm. Unë jam President…
Më pas, Maduro u pyet në lidhje me aktakuzën.
Zëvendësi : A e keni parë aktakuzën?
Maduro: E kam parë, por nuk e kam lexuar.
Zëvendësi: A e keni diskutuar me avokatin tuaj?
Maduro: Pjesërisht.
Zëvendësi: Çfarë po deklaroni?
Maduro: Jam i pafajshëm. Nuk jam fajtor për asgjë që përmendet këtu.
Maduro u kujtua për të drejtën e tij për t’u vizituar nga një zyrtar konsullor. Ai u përgjigj se do të donte të priste një vizitë nga konsulli dhe tha se mbante shënime.
Çfarë deklaroi Maduro pas largimit nga gjykata?
Presidenti venezuelian Nicolas Maduro iu përgjigj një protestuesi që fliste spanjisht ndërsa po largohej nga gjykata
Protestuesi tha se “në emër të popullit venezuelian, Maduro do të paguajë”.
Maduro u përgjigj duke thënë në spanjisht: “Unë jam një president i rrëmbyer. Unë jam një i burgosur lufte”.
Avokati i gruas së Maduros: Flores pësoi lëndime gjatë rrëmbimit
Avokati i Cilia Flores, Mark E Donnelly, ka pretenduar se klientja e tij pësoi lëndime të rënda kur ajo dhe bashkëshorti i saj Maduro u rrëmbyen në Venezuelë, raporton CBS Neës. Flores u pa me shenja të duksh, ndërsa ishte në gjykatë. Donnelly ka thënë se beson që ajo ka një frakturë të rëndë në brinjë.
“Ne mezi presim të shqyrtojmë dhe sfidojmë provat që ka qeveria. Ndërsa do të na pëlqente të paraqesim palën tonë tani, do të presim ta bëjmë këtë në gjykatë në kohën e duhur. Zonja e parë është e vetëdijshme se ka një rrugë të gjatë përpara dhe është e përgatitur”, ka thënë Donnelly në një deklaratë për BBC-në.
Akuzat ndaj Maduros dhe bashkëshortes së tij
Nicolás Maduro dhe gruaja e tij përballen me akuza për konspiracion narko-terrorizëm dhe akuza për armëmbajtje pa leje.
Aktakuza kundër tyre thotë se për më shumë se 25 vjet ata janë pasuruar duke punuar me trafikantë ndërkombëtarë droge për të transportuar drogë të paligjshme në SHBA. Po, të dy kanë deklaruar se nuk janë fajtorë për akuzat kundër tyre.
Ndërkohë Donald Trump ka thënë se Maduro do të “kalojë nëpër një gjyq të mundimshëm”.
/vizionplus.tv
