Duket se reperi, Kanye West, më në fund e mbajti premtimin e tij për të kandiduar si President i Shteteve të Bashkuara të Amerikës dhe lajmin e ka bërë të ditur vetë nëpërmjet një postimi në Twitter.
“Tani duhet të përmbushim premtimin e Amerikës duke i besuar Zotit, duke unifikuar vizionin tonë dhe duke ndërtuar të ardhmen tonë. Unë po kandidoj për president të Shteteve të Bashkuara të Amerikës!”
Kjo deklaratë erdhi pikërisht në ditën e pavarësisë së SHBA, por West ka deklaruar edhe më herët se ka ndërmend të hedhë kandidaturën e tij për president, duke premtuar se do t’i sjellë Amerikës ndryshimin e merituar.
Vendimi i West u mbështet menjëherë nga Elon Musk i cili shkruajti në koment:
“Ke mbështetjen time të plotë!”
