Jugu pa energji elektrike deri në 1 korrik

Ndërsa sezoni turistik ka nisur, Operatori i Shpërndarjes së Energjisë ka sqaruar arsyet e mungesës së dritave në jug të vendit, gjatë javës së kaluar. Sipas OSHEE, janë duke u kryer disa investime të rëndësishme, sidomos në zonën e Himarës, Dhërmiut, Radhimës dhe Ujit të Ftohtë në Vlorë. Për shkak të këtyre punimeve OSHEE ka qenë e detyruar të stakojë energjinë elektrike gjatë javës. Ndërkohe është rene dakord me firmën private, për t’i kryer punimet gjatë orëve të para të mëngjesit në datat 27 deri 30 qershor. OSHEE u bën thirrje bizneseve që të marrin masa për mirëmbajtjen e linjave të furnizimit me energji nga “pika e lidhjes” deri në objektin e tyre. Më 1 korrik, punimet do të ndërpriten për të rifilluar pas sezonit turistik në shtator.