Java e hapur e vaksinimit/ Në zonën e Korçës u bënë 3500 doza

3500 të vaksinuar gjatë javës së hapur në Njësinë Vendore të Kujdesit Shëndetësor Korçë. Një gjë e tillë është bërë me dije zyrtarisht nga burime pranë kësaj njësie, numër ky që edhe për vetë vaksinatorët është i kënaqshëm. Gjatë 1 jave pranë qendrave të vaksinimit kanë marrë dozën e parë grupmodha të ndryshme ku bie në sy edhe vaksinimi i moshave mbi 18 vjet. Të njëjtat burime thanë se deri tani në bashkitë Korçë, Maliq e Pustec kanë marrë dozën e parë dhe të dytë të vaksinës më shumë se 51 mijë persona. Vaksinat të cilat janë aplikuar gjatë kësaj jave në dozë të parë janë Astra Zeneka, Sinovak dhe Sputnik, ndërkohë që kanë marrë dozën e dytë me “Phizer” të gjithë ata të cilët kanë marrë edhe dozën e parë me të njëjtën vaksinë. Në Korcë janë rikthyer rastet e të infektuarve me Covid, ndaj dhe për këtë nga ana e Njësisë vendore të Kujdesit shëndetësor ju bëhet thirrje të gjithë qytetarëve të pavaksinuar t’i drejtohen qendrave më të afërta të vaksinimit me qëllim marrjen e dozës së parë. Burime thanë se në qarkun e korçës janë 6 persona aktivë. Duhet thënë se procesi i vaksinimit në të gjitha qendrat përfshi edhe ato të zonave malore ka vijuar normalisht kjo edhe për shkak të mos pengesës së vaksinave. Që prej fillimit të procesit të vaksinimit tek të treja bashkitë që përfshin Njësia Vendore e Kujdesit Shëndetësor në Korçë nuk është paraqitur asnjë person më komplikacione pas vaksinimit por vetem efekte anesore te vogla qe jane te njohura ne protokollin e vaksinimit.