Deputetja e Partisë së Lirisë Monika Kryemadhi ka vijuar akuzat në drejtim të kryebashkiakut Erion Veliaj për aferën e inceneratorëve.
Gjatë një bashkëbisedimi me gazetarët, ajo tha se nuk do të ndalet për asnjë moment, deri në zbardjen e plotë të kësaj afere dhe për të parandaluar rrezikun që vjen nga qeveria dhe mafia e lidhur me të.
Lexo edhe :
Related Posts
Kryemadhi shtoi më tej se nëse Partia e Lirisë do të ishte pjesë e Komisionit Hetimor për inceneratorët situata sot do të ishte shumë herë më ndryshe.
“Nëse Partia e Lirisë do të kishte qenë pjesë e Komisionit Hetimor Parlamentar, ky produkt që vjen sot, do të vinte në një kohë më të shpejtë dhe vetë rezultati që prodhoi ai komision hetimor, do të ishte tërësisht ndryshe.
Megjithatë, edhe kapja e parlamentit, ashtu si kapja e gjithë shtetit nga qeveria, nuk do të më ndalonte mua si Monikë personalisht nuk do të më ndalonte në zbardhjen e kësaj afere korruptive, të plotë, duke marrë parasysh edhe cdo pasojë që mund të vinte për mua, familjen time reale dhe atë politike, nga qeveria dhe mafia e lidhur me të”, tha Kryemadhi.
Sipas deputetetes së Partisë së Lirisë, Erion Veliaj nuk i ka “dalë dot për zot llogaridhënies shkresore dhe firmës që ka hedhur dhe as pagesave që ka kryer.”
Kryemadhit tha se: “Veliaj ka gënjyer në komisionin hetimor për inceneratorët, dhe ka udhëzuar në cilësinë e sekretarit politik të Partisë Socialiste për qarkun Tiranë, edhe kryetarët e bashkive Vorë e Rrogozhinë që të mos kthejnë përgjigje ndaj meje për pagesat e Bashkisë ndaj Inceneratorit të Tiranës”./vizionplus.tv
