Autoritetet spanjolle të mbështetura nga Europol kanë shkatërruar një grup kriminal që merrej me trafikun e drogës dhe kanë sekuestruar 7.2 ton kokainë.
Sipas Europol, nga një hetim që përfshiu Bullgarinë, Kolumbinë, Kosta Rikën dhe Panamanë, nisur në qershor të vitit 2022, u zbulua se anëtarët e rrjetit ishin shtetas nga Shqipëria, Bullgaria, Kolumbia dhe Spanja, të cilët organizuan trafikimin e sasive të mëdha të kokainës nga vendi i origjinës në Evropë. Gjithashtu grupi merrej me pastrim parash.
Si nisën hetimet
Hetimet nisën në qershor 2022 dhe zbuluan një rrjet të trafikut të drogës që veprone në tre kontinente. Anëtarët e rrjetit ishin shtetas nga Shqipëria, Bullgaria, Kolumbia dhe Spanja, të cilët organizuan trafikimin e sasive të mëdha të kokainës nga vendi i origjinës në Evropë.
Secili prej tyre kishte role të ndryshme brenda grupit.
Shtetasit kolumbianë merreshin me dërgesat nga Kolumbia në Evropë, ndërsa shtetasit bullgarë, kolumbianë dhe spanjollë mbikëqyrnin marrjen dhe shpërndarjen e mëtejshme të drogës.
Shqiptarët, me qendër në Dubai, siguruan financat e nevojshme për të paguar prodhuesit për dërgesat nga Kolumbia.
Anëtarët e rrjetit gjithashtu pastronin të ardhurat nga aktiviteti i paligjshëm.
Rrjeti kriminal kishte kapacitet për të marrë deri në një ton kokainë në javë.
Dërgesat kryeheshin me avionë dhe kontejnerë të fshehur në tragete.
Në tetor 2024, autoritetet kapën 4.1 ton kokainë në Panama, me destinacion Spanjën.
Rezultatet e operacionit të realizuar në tre faza, midis dhjetorit 2024 dhe janarit 2025
- 22 arrestime në Spanjë (shtetas spanjollë dhe kolumbianë);
- 27 bastisje shtëpish në Barcelonë, Kadiz, Madrid, Malaga dhe Valencia;
- 35 automjete, përfshirë 8 makina luksoze (me vlerë rreth 2.5 milionë euro), orë luksoze dhe stoli (me vlerë rreth 1.5 milionë euro) dhe 6.5 milionë euro cash;
- 48 armë;
- 53 llogari bankare të ngrira./vizionplus.tv
