I riu kosovar terrorizon Vlorën

“Jam i dërguari i Allahut, do t’ju vras të gjithëve”. Këto janë fjalët e një 29-vjeçari nga Kosova, të cilit i kanë mjaftuar dy orë në Vlorë, për të terrorizuar qytetin bregdetar ne kulmin e sezonit turistik. I akuzuar edhe më parë në Kosovë si person me precedent penal, Dijar Xhema që jetonte në Mitrovicë, ka dhunuar fizikisht dhe ka tentuar të marre peng tre persona në rruge të ndryshme të qytetit të Vlorës. Xhema udhëtonte me mjetin e tij ‘Audi’ me targa KS02300CO, në të cilën nuk mungonte as lënda narkotike Cannabis Sattiva, që u gjend dhe u sekuestrua nga forcat e antiterrorist ne bashkëpunim me policinë e Vlorës, gjatë arrestimit te të riut. Burimet e policisë, bëjnë me dije se 29-vjeçari ka kundërshtuar efektivet jo vetëm gjatë arrestimit, por edhe në ambientet e shoqërimit. Në këto kushte, Dijar Xhema akuzohet se ka konsumuar “Vepra me qëllime terroriste”; “Propagandë për kryerjen e veprave me qëllime terroriste dhe “Prodhim e shitje narkotikeve”.
I riu që terrorizoi Vlorën po merret ne pyetje nga hetuesit, ndërsa makina e tij dhe lënda narkotike, janë sekuestruar si prova materiale. Dyshohet qe Xhema te kete vepruar edhe nen efektin e drogës.