Një ngjarje e rëndë është regjistruar mbrëmjen e djeshme në fshatin Orman të Maliqit.

 

Një konflikt verbal ka degraduar në përdorimin e mjeteve të mprehta.

 

Sipas informacioneve nga uniformat blu, 45 vjeçari Leonidha Lepi është konfliktuar me dy banorë të fshatit në rrugë për motive banale.

 

Fillimisht ata janë përfshirë në konflikt verbal, e më pas janë goditur me njëri tjetrin, dhe gjatë këtij momenti Lepi ka nxjerrë një thikë dhe i ka plagosur të dy shtetasit e tjerë me Petrit Sali, 62 vjeç, dhe Florenc Marko, 46 vjeç.

 

Menjëherë këta shtetas janë dërguar drejt spitalit të Korçës, ku 46-vjeçari ndodhet në gjendje të rëndë për jetën, ndërsa i plagosuri tjetër është jashtë rrezikut.

 

Sipas banorëve të fshatit, autori njihet si një person problematik në fshat, dhe ka qënë i dehur në momentin e konfliktit. Policia e Maliqit ka arrestuar autorin, ndërkohë që materialet i kaluan Prokurorisë së Rrethit Gjyqësor Korcë për veprën penale “Plagosja e rëndë me dashje.”

Leave a Reply

Your email address will not be published. Required fields are marked *