Një aksident rrugor me pasojë plagosjen e tre personave ka ndodhur në aksin “Kryebushat–Mjedë”, në qarkun e Shkodrës.
Specialistët e Sektorit të Qarkullimit Rrugor kanë arrestuar një shtetas nga Kosova, me inicialet H. H., 51 vjeç, i cili dyshohet se ka shkaktuar aksidentin duke drejtuar automjetin në gjendje të dehur. Sipas të dhënave zyrtare, ai i ka ndërprerë rrugën një automjeti tjetër që drejtohej nga shtetasi E. P., 75 vjeç, banues në fshatin Juban.
Si pasojë e përplasjes, janë dëmtuar lehtë drejtuesi E. P., bashkëshortja e tij, shtetasja Sh. P., si dhe mbesa e tyre e mitur, të cilat ndodheshin si pasagjere në automjet. Të lënduarit kanë marrë ndihmën mjekësore dhe ndodhen në banesë, jashtë rrezikut për jetën.
Policia vijon veprimet procedurale për zbardhjen e plotë të rrethanave të aksidentit.
/vizionplus.tv
