Leo Blanco ishte vetëm 15 vjeç kur vendosi të bënte ndërhyrjen e parë estetike, për t’i ngjarë sa më shumë idhullit të tij Michael Jackson. I rritur në një lagje periferike të Buenos Aires-it, ku dëfrimi kryesor i fëmijëve të moshës së tij ishte futbolli, djali argjentinas donte të ndiqte hapat e legjendës së muzikës pop.
Duke qenë se ishte akoma minoren, ai kreu operacionin e parë në rrugë të paligjshme, por gjërat nuk shkuan aspak mirë pasi pati hemorragji gjatë ndërhyrjes në nofulla, dhe djali përfundoi menjëherë në spital.
Por edhe pas daljes nga spitali ai ishte i fiksuar me idenë për t’i ngjarë, dhe nga ai moment e deri më sot ai ka kryer 11 operacione plastike duke shpenzuar plot 30 mijë dollarë. Dhe mesa duket nuk ka ndërmend të ndalet, pasi dëshiron të bëjë akoma më shumë operacione.
‘’Michael Jackson nuk është thjesht idhulli im, por babai im shpirtëror. Dua t’i ngjaj plotësisht dhe çdo operacion plastik që bëj, më afron më shumë me objektivin tim. Deri më tani kam bërë 4 ndërhyrje në hunë, një në mjekër, një tjetër për të rimodeluar nofullën, më pas edhe për sytë, e deri tek gishtat e këmbës. E di që shumë njerëz më kritikojnë, por kjo gjë më bën të lumtur.”/Living
