Salloni Botëror i Turizmit u hap sot në Paris me një kujdes më të veçantë se në dy edicionet e mëparshme të shënuara nga sulmet terroriste, pasi sinjale të rimëkëmbjes po shfaqen në horizont në Francë dhe në destinacione të tjera turistike.
Rreth 130 000 vizitorë parashikohen të marrin pjesë deri ditën e dielën për edicionin e 42-të që premton një ndjesi të këndshme për pushime dhe ndryshim mjedisi.
«Konteksti gjeopolitik peshon disi më pak këtë vit », shprehet drejtoresha e Sallonit, Marianne Chandernagor, duke iu referuar sulmeve terroriste që u regjistruan në vitin 2015 dhe 2016 në disa vende arabe dhe në territorin evropian.
Vitin e kaluar, Parisi dhe rajoni i tij humbën 1,5 milionë turistë dhe rezervimet në fushën e hotelerisë regjistruan një rënie prej 8,8 për qind, kur bëhet fjalë për klientelën e huaj, kryesisht të turistëve japonezë dhe kineze të paktë në numër nga kontesti i sigurisë.
Por, fillimi i rimëkëmbjes regjistruar që nga nëntori i kaluar dhe niveli i rezervimeve për sezonin e ardhshëm veror paraqitet me nota optimiste nga profesionistët për vitin 2017.
