Deputetja e opozitës, Rudina Hajdari nuk kurseu sulmet dhe akuzat për PD, PS dhe LSI gjatë emisionit “Quo Vadis” në “Vizion Plus”.

 

Duke folur për fenomenin e shitblerjes së votës, Hajdari tha se diçka e tillë mund të ndodhë edhe në 25 prill, pavarësisht reformës zgjedhore. Ajo tha se partitë e mëdha nuk bënë asgjë për të luftuar këtë fenomen sepse duan të ruajnë karriget e tyre.

“Fatkeqësisht nuk është bërë mjaftueshëm përsa i përket këtij fenomeni, pra shit-blerjes së votës së lirë dhe mendoj që duke qënë se kemi ende krimin e organizuar që është shumë prezent në shumë vende të Shqipërisë dhe sidomos në Elbasan, fakti që qeveria nuk ka luftuar dhe nuk ka bërë gjë për ta luftuar mjaftueshëm krimin e organizuar në vend, tregon që ka një lloj lidhje direkte përsa i përket kësaj marrëdhënie. Por në rastin e zgjedhjeve çfarë kanë bërë? Është një lloj mekanizmi për të fuqizuar krimin e organizuar dhe për të vendosur se ata do të influencojnë qytetarët në atë zonë duke i paguar në mënyra të ndryshmë. Mos kujtoni se ditën e votimit ndodh kjo gjë. Kjo ndodh edhe sot, nuk ndodh në kuti, por ndodh muaj më përpara ku ata merrën dhe angazhohen nëpër fshatra, qytetete, vende të ndryshme ku me një pagesë apo forma të ndryshme kërcënojnë qytetarët dhe influencojnë zgjedhjet e tyre. Padyshim që mund të ndodhë, sepse këtu jetojmë dhe e dimë shumë mirë realitetin dhe as Partia Socialiste, as Partia Demokratike, as LSI-ja nuk e përdorën reformën zgjedhore për të luftuar këtë fenomen. Këta duan të ruajnë status quo-në, të ruajnë status quo-në e 30 viteve politikë, që nuk bëjnë asgjë veçse fuqizojnë familjet e tyre dhe qytetarët i braktisin dhe i konvenjon vetëm të jenë kryetarë partish dhe të jenë aty mbi kolltukun e tyre dhe asnjë tjetër nuk duan”, tha Rudina Hajdari për “Quo Vadis”.

Leave a Reply

Your email address will not be published. Required fields are marked *