Ministrat, deputetet dhe anetaret e kryesise se partise socialiste kane vendosur te ndermarrin nje levizje politike per te shtuar numrin e grave ne pozicionet drejtuese te partise.
Ato kane kerkuar zyrtarisht mbledhjen e kryesise se partise socialiste per te shyqrtuar disa propozime qe kane lidhje me barazine gjinore ne struktura.
Gratë përbëjnë më tepër se 30% të grupit tonë Parlamentar dhe 50 % të këshilltarëve bashkiakë. Në Kryesi dhe Asamblenë Kombëtare, gratë janë më tepër se 30 % e të zgjedhurve. Këto fakte dëshmojnë se PS është një realitet i pakrahasueshëm dhe i pakonkurueshëm në vend. Por duke besuar se pas gjithë këtyre shifrave qëndron një vlerë e madhe e shtuar në rrugën e një transformimi historik si ky, ne po ashtu besojmë se nuk mjafton.
Organizata jonë socialiste, qeliza e organizimit tonë partiak, në tërësinë e saj, nuk e reflekton përgjithësisht këtë ndryshim historik. Madje përkundrazi, ajo mbetet një hapësirë dominante e burrave, ndërkohë që vetë rezultatet elektorale dhe pjesëmarrja e grave në votime kanë ndryshuar pozitivisht.
Konkretisht nga analiza e fundit e viti 2018 rezulton se:
1. 4954 OS në total vetëm 574 drejtohen nga gra (12 %)
2. Në Tiranë, situata është pak më mirë por gjithsesi burrat drejtojnë në mbi 80% të organizatavve – nga 663 organizata,127 ose 19 % drejtohen nga gra.
Te gjitha grate socialiste kane propozuar qe secila prej 5 mije organizatave socialiste te bashkedrejtohet nga nje burre dhe nje grua si rruga me e mire per te rritur numrin e grave ne drejtimin e partise.
Të bindura se gratë në organizatën socialiste nuk mund të vazhdojnë të mbeten si një shtojcë, por duhet të kthehen në një shtyllë e rëndësishme, njësoj si në qeveri e në grupin parlamentar, propozojmë që secila prej 5000 organizatave socialiste në territor të bashkëdrejtohet nga një burrë dhe një grua. Pa pretenduar se kemi zbuluar ndonjë formulë të re apo gjetur zgjidhjen automatike për ekuilibrin e një dizekuilibri historik gjinor në organizatën bazë të familjes sonë politike, ne besojmë se duke iu referuar këtij modeli të adoptuar nga disa parti progresiste nëpër botë, do të promovojmë një ndryshim thelbësor me avantazhe të mëdha për të ardhmen e PS e të vetë vendit tonë.
Në mbyllje, kërkojmë diskutimin e menjëhershëm në kryesi për të miratuar këtë ndryshim radikal organizativ me dy të zgjedhur, një burrë një grua, në drejtimin e organizatës bazë të Partisë Socialiste.
