Një grabitje me armë zjarri ka ndodhur këtë të hënë në Fushë-Krujë.
Ngjarja ka ndodhur mesditën e sotme në banesën e shtetasit Isuf Çela 65 vjeç, në zonën e SMT-së, nga persona të paidentifikuar.
Mësohet se autorët kanë qenë të maskuar dhe të armatosur. Ata kanë hyrë në banesën e 65-vjeçarit duke i marrë një sasi parash, por ende nuk dihet shuma. Gjithashtu bëhet me dije se 65 vjeçari kishte një biznes privat për rregullimin e elektorshtëpikave.
Ndërkohë policia e ndodhur në vendin e ngjarjes po punon për zbardhjen e plotë të saj.
